香港寵物美容店專用預約系統
少啲覆 WhatsApp，多啲時間剪毛。
客人自己揀服務、揀時間、價錢自動計好，WhatsApp 自動確認。你專心做美容，預約自己會入嚟。
點解美容店揀 PettoBook
按體重、毛長、品種自動計價
香港美容店唔係一個價：5kg 貴婦同 25kg 金毛，短毛同雙層毛，價錢都唔同。PettoBook 一開始就係咁設計。
- 揀一個設定模板（簡單 / 標準 / 精細 / 貓專門），3 分鐘出齊服務同價錢
- 體型 × 毛長 × 品種，每格都可以自己改
- 客人揀好毛孩，系統即刻計好佢隻狗嘅價錢，唔使再問「幾錢呀？」
- 舊客特價：個別毛孩可以設專屬價
全部方案
WhatsApp 自動確認，唔使逐個覆
客人網上落單，系統用你間舖自己嘅 WhatsApp 號碼即刻發確認：客人名、毛孩、日期、時間、服務，一個字都唔使打。
- 用 Meta 批核嘅官方範本，唔會被當垃圾訊息
- 所有 WhatsApp 對話集中喺「訊息」，美容師輪流睇都得
- 想 AI 代你答價錢、時間、幫客人預約？可以加 WhatsApp AI 自動回覆，需要另外付費開通第三方 Chatwoot 或 WATI
專業版起 · AI 自動回覆：Chatwoot / WATI 另外付費
24 小時自助預約，收咗舖都照接單
客人自己揀服務、加購、美容師同時間。系統只會顯示你真係得閒嘅時段，唔會撞期，唔會超賣。
- 按每位美容師嘅更表同已有預約計空檔
- 加購（剪甲、刷牙、SPA）自動加埋總數
- 預約條款、訂金政策客人要剔同意先可以落單
基本版起
一鍵生成價目表，一個 QR Code 分享
改咗價唔使再搵人整圖。價目表按你設定嘅價錢自動排版，8 款配色，下載 PNG / JPEG 或者直接列印。
- 價目表：狗狗、貓貓、SPA、加購，分頁自動整理
- 預約 QR 海報：貼喺舖頭、放上 IG，客人一掃就入到你間舖嘅預約頁
全部方案
美容店目錄，幫你帶新客人
PettoBook 有公開嘅寵物美容店目錄，附近嘅主人可以按地區搵到你、睇你嘅相片同服務，再直接預約。
- 開店即自動上架，免費
- 已經喺目錄嘅店舖，可以上載商業登記證認領
全部方案
由到店到收款，一頁睇晒
行事曆、顧客資料、毛孩備註、收款、儲值、積分、套票，全部喺同一個地方。唔使一邊開 Excel、一邊開 WhatsApp、一邊翻簿仔。
- 預約詳情：到店 → 美容中 → 完成 → 報告，一撳就轉
- 即場到店（Walk-in）幾秒登記
- 手機、平板、電腦都用得
行事曆・顧客：全部方案 · 儲值・套票：專業版起
客人點樣網上預約（8 步）
- ① 入你間舖 掃 QR 或者撳 IG 連結，用 Google / Apple 一撳登入
- ② 揀服務 按毛孩體重同品種，價錢即刻計好
- ③ SPA 升級 可選，每款有清楚介紹
- ④ 加購 剪甲、刷牙等，已包嘅自動標示
- ⑤ 揀時間 只顯示真係有空嘅時段
- ⑥ 確認 可用套票、積分，寫低美容要求
- ⑦ 同意條款 訂金、改期、遲到政策，一次講清楚
- ⑧ 預約成功 即刻出現喺你嘅行事曆
美容店嘅一日
- 朝早開舖: 一眼睇晒今日 每位美容師一行，邊張單已付、邊張未付，今日營業額喺右上角。
- 有客行入嚟: 即場到店，幾秒登記 搵返客人或者即場開新客，撳「登記 & 立即開始美容」。
- 做緊美容: 一撳轉狀態 到店、美容中、完成；毛孩嘅過敏同注意事項一打開就見到。
- 熟客再嚟: 客人資料自動記低 每位客人嘅毛孩、儲值、積分同過往預約，搜尋名或電話一撳就搵到。
真實店舖：PAWSIN 日式寵物美容
2026 年 5 月起 463 個預約，94% 由客人自己網上落單，99 個喺晚上 9 點至朝早 9 點落單，累積 210 位客人。
收費方案
- 免費版 HK$0 /月: 開店 + 上目錄, 行事曆・顧客管理, 價目表・QR 海報, 1 位美容師
- 基本版 HK28 /月: 24 小時網上預約, 自動通知, 營業分析, 3 位美容師
- 專業版 HK68 /月: WhatsApp 預約確認, 儲值・套票・電子積分卡, 店主 AI 助手, 5 位美容師
- 旗艦版 HK$528 /月: 會員積分, 品牌專屬 App, 移除 PettoBook 標誌, 8 位美容師
按月付，唔使簽長約。 WhatsApp AI 自動回覆唔包喺任何方案：需要另外付費開通第三方 Chatwoot 或 WATI 帳戶，再連接 PettoBook。
店主最常問
我唔識電腦，會唔會好難用？
揀一個設定模板，價錢已經幫你填好，改幾個數字就用得。日常就係睇行事曆、撳一撳改狀態。唔明嘅地方可以睇使用教學，或者直接搵我哋。
我啲客人習慣 WhatsApp，佢哋肯唔肯網上預約？
PAWSIN 嘅客人都係 WhatsApp 用開嘅，而家 94% 預約係客人自己網上落單，仲有 99 張係晚上 9 點至朝早 9 點落嘅。你亦可以繼續用 WhatsApp，自動確認會用返你自己嘅號碼發出。
我已經有幾百個客人，要唔要重新入過？
唔使一次過入。客人第一次網上預約就會自動建立資料；即場到店都可以幾秒開新客。
真係免費？
開店、上目錄、行事曆同顧客管理都係免費。要客人網上自助預約，由基本版 HK
PettoBook 載入中…