每日運作
由開舖到收舖，一個 App 搞掂。
今日預約、即場到店、美容進度同熟客資料，全部喺同一個地方。唔使再喺簿仔、WhatsApp 同 Excel 之間跳嚟跳去。
行事曆・顧客管理：全部方案
點樣運作
- 09:00 開舖：一眼睇晒今日 每位美容師一行，邊張單已付、邊張未付，今日營業額喺右上角。
- 有客行入嚟：幾秒登記 搵返熟客或者即場開新客，撳「登記 & 立即開始美容」。
- 美容中：一撳轉狀態 到店 → 美容中 → 完成；毛孩嘅過敏同注意事項一打開就見到。
- 熟客再嚟：資料自動記低 毛孩、儲值、積分同過往預約，搜尋名或電話一撳就搵到。
重點
- 每位美容師嘅預約分開一行，唔會撞期
- 即場到店、網上預約、電話預約都喺同一個行事曆
- 預約詳情一頁睇晒：客人、毛孩、服務、價錢、收款
- 手機、平板、電腦都用得
店主最常問
我唔識電腦，會唔會好難用？
揀一個設定模板，價錢已經幫你填好，改幾個數字就用得。日常就係睇行事曆、撳一撳改狀態。唔明嘅地方可以睇使用教學，或者直接搵我哋。
可以喺手機用嗎？
可以。PettoBook 喺手機、平板、電腦都用得，瀏覽器打開即用，亦可以加到主畫面。
我已經有幾百個客人，要唔要重新入過？
唔使一次過入。客人第一次網上預約就會自動建立資料；即場到店都可以幾秒開新客。
收費 · 使用教學 · 免費開店
